Iosune de Goñi Garcia Nekatoeneako egoitzara iritsi da !
Euskal kultur erakundea, Euskal Idazleen Elkartea eta CPIE Euskal Itsasbazterra 2011. urtean elkarlanean hasi ziren, idazle bati hilabete osoz Hendaiako Abbadia eremuko Nekatoenea baserri zaharberrituan bere idazketa lanean aritzeko parada eskainiz. Aurten, egonaldia beste hilabete batez luzatuko da Pasai Donibaneko Hugoenea etxean.
| 2023ko Urriaren 18a
urtengo egonaldiarentzat hautatua izan den Iosune de Goñi Garcia (Burlata, 1993), idazlea, argazkilaria eta itzultzailea da. Halaber, feminista eta kapazitismoaren aurkako aktibista da. Filosofiako Gradua amaitu ondoren, Bartzelonan Literatura, Artea eta Pentsamenduari buruzko Ikasketa konparatuen gradu-ondokoa egin zuen. Hilda Doolittle idazleari buruzko tesia egiten hasi bazen ere, osasun arrazoiengatik utzi behar izan zuen.2021ean Pasaia Hiria-Xabier Portugal poesia saria irabazi zuen Gorputz baten aztarnak elurretanpoema bildumarekin. Iruñeko Udalaren Egile Berrientzako Literatur Lehiaketan ere lehen saria ukan zuenItzalak uraren azpian lanarekin. Egun itzultzaile gisa egiten du lan.
Iosune de Goñi Garcia Hendaiako Nekatoenea etxean egonen da 2023ko urriaren 9tik azaroaren 2ra, eta Pasaiako Hugoenean azaroaren 7tik 30era.Bi egonaldien denboran, topaketak antolatuak izanen dira, Iosuneren lana deskubritzeko parada eskaintzeko.*
Hona hemen dagoeneko antolatutako herritarrekin bilera orduak:
- Hendaian: Iosunerekin bilera publikoa urriaren 27an, 17:00etan (konfirmatzeko tokia: Nekatoenean edo Hendaiako "La grande illusion" liburu-saltzailea).
- Pasaian: Iosunerekin bilera publikoa abenduaren 15ean, 17:00etan (konfirmatzeko tokia: Hugoeneaedo Pasaiako liburu-saltzailea).
